PROYOUTH 1

May joke sa text:  "Isang barko ang lumubog… nalunod lahat ang pasehero maliban sa isang ita.  Dumating ang isang pating. Sabi ng ita sa pating: ‘Pating… pating… kainin mo na ako!"  Sagot ng pating: "Huwag mo kong linlangin… isa kang pusit!" hehehe… Napakasaklap naman sa ita na maging pating ay nirereject sya!  Masakit mareject ng iba… lalo na ng mga kakilala at kaibigan mo.  Bakit?  Kasi kung meron mang dapat na full support sa yo ay yung mga kakilala mo!  Pero hindi ganito ang naranasan ni Jesus.  Hindi sya tinanggap ng kanyang mga kababayan.  Masyado kasi syang ordinaryo sa kanila.  Kung minsan, hindi natin namamalayan… ang Diyos ay nagsasalita sa atin sa ordinaryo… sa ordinaryong mga pangyayari sa buhay, sa mga ordinaryong tao… Wag nating hanapin ang Diyos sa "himala" sapagkat di natin S’ya dun matatagpuan.  Hanapin mo ang Diyos sa mga taong araw-araw mong nakikita.  Hanapin mo ang Diyos sa mga karaniwang ginagawa mo araw-araw… Ang Diyos nagsasalita sa atin sa ordinaryo…

Isa sa mga debosyong napamahal sa akin ang Sto. Nino.  Sa
katunayan, hanggang ngayon ay memorized ko pa ang kanta ni Sharon Cuneta na
alay sa batang sanggol:  "Santo Nino, Santo Nino, natupad na rin
ang aking hinihiling sa ‘yo…" kung di mo masabayan e tanungin mo ang
nanay mo at baka alam niya! hehehe…  Kung ating titingnan ay talaga
namang napakapopular nating makikita ito sa ating pang-araw-araw na buhay
bilang Pilipino. Karaniwan ng
makikita ang imahe ng Sto. Nino sa mga jeep katabi ang sticker na "God
knows HUDAS not pay!".  Karaniwan siyang makikita sa tindahan na
nakadamit na berde o pula at may katabing "pusa na gumagalaw ang
kamay".  Karaniwang siyang makikita sa tahanan na katabi ang isang
sexy poster ng Tanduay!hehehe… nakakatuwa!  Parang tayong mga bata… ISIP
BATA sa ating pananampalataya.  Siguro dapat nating isipin na
si Jesus ay hindi nanatiling bata.  Siya ay lumaki.  Gayun din dapat
sa ating pananampalataya… dapat lumago… dapat lumalim.  Hindi
doble-kara, hindi balimbing, hindi malamig, hindi teka-teka kundi isang
pananampalatayang tunay na nakaugat kay Kristo at sa Kanyang Salita. Isip
bata ka pa ba sa pananampalataya mo?

"Pedro… saan natin makikita ang Diyos?"  tanong ng titser.  "Sa Simbahan po, sa may tabernakulo." sagot naman ng bata. "Magaling! Saan pa?" tanong uli ng titser.  Sagot ang isang estudyante: "Sa loob po ng  kumpisalan, kapag may nagkukumpisal." "Magaling!" tuwang-tuwa na sagot ng titser.  "At ikaw Juan… late ka naman.  Saan mo makikita ang Diyos?"  Sagot ni Juan…" Ma’m sa loob po ng banyo namin!"  "Ano?!!! Paanong napunta sa loob sa loob ng banyo nyo ang Diyos?" Pasigaw na sagot ng titser. Sagot ni Juan: "Kasi po, kaninang umaga, narinig ko ang nanay ko na sumisigaw sa kapatid kong nasa loob ng banyo: ‘Diyos ko… ang tagal mo… kelan ka ba lalabas?"  Tunay na ang Diyos ay nagpapakita sa atin.  Ang ebanghelyo ngayon ay ang kumumpleto sa tinatawag nating "Epiphany of the Lord".  Una ay ang pagdalaw ng mga mago, pangalawa ay ang pagbibinyag sa kanyan sa ilog Jordan, at ang pangatlo ay ito: Ang unang himala na ginawa niya sa Cana ng Galilea.  Anung ipinakita ni Jesus dito tungkol sa kanya?  Dapat nating makita ang mga simbolismong ginamit sa kwento. Una ay ang paggamit ng kasalan na nangangahulugan sa pag-ibig ng Diyos sa tao. Pangalawa ay ang "tapayan" na ginagamit sa ritwal ng paglilinis ng mga hudyo. At pangatlo ay ang "alak" na simbolo ng galak sa pagdating ng Mesiyas.  Sinasabi ng kwento na si Jesus ay ang Mesiyas na dumating upang simulan ang bagong panahon… panahon ng  paglilinis na muling mag-uugnay sa  naputol na relasyon ng Diyos sa tao gawa ng kasalanan. Ngunit imposible itong mangyari kung walang pakikiisa natin. Ang sabi ni Maria: "Do whatever he tells you…" Hanggat walang pakikiisa ang tao, hindi naisasakatuparan ng Diyos ang kanyang gawaing pagliligtas. Nakikiisa ba ako sa plano ng Diyos?

"Happy three kings Father!"  Bati ng isang parishioner sa akin.  Sabi ko naman, "alam mo, sablay lahat ang pagbati mo. Wala ni isang tumama! hehehe… Bakit kamo?  Una, hindi sila Kings… sila ay mga "magi"! Sa tagalog mga pantas.  Mga taong marunong bumasa ng mga kaganapan sa kalawakan, parang "astrologers."  Pangalawa, hindi sila tatlo! Tatawanan ka ni Bro. Eli nyan dahil hindi matatagpuan sa Bibilia na tatlo sila.  Pangatlo, hindi ka "Happy"… nakasimangot ka eh! hehehe… Merry Christmas na lang bati mo!  Totoo naman, ang Epiphany ang sinasabing second Christmas!  Sa katunayan mayroong mga bansang sa araw na ito ginagawa ang pagbibigayan ng regalo… kaya puwede n’yo pa akong bigyan! hehe…  Epiphany ang tawag sapagkat ang ibig sabihin nito ay "pagpapahayag".  Ipinahayag ng Diyos na ang kanyang pag-ibig ay para sa lahat! Ano man ang kulay mo, lahi mo, itsura mo… Ikaw man ay banal o makasalanan… ay minamahal ka pa rin ng Diyos. Ito ang regalo ng Diyos sa atin, ang kanyang walang hanggang pag-ibig sa katauhan ng kanyang Anak na si Jesus. Ano naman kaya ang regalo ko sa Kanya?  Kung ito ang araw ng pagbibigayan ng regalo dapat may nakahanda akong regalo kay Jesus.  Hindi pa huli… hindi pa tapos ang Pasko… MERRY CHRISTMAS!